ਦਾਰਸ਼ਨਿਕਤਾ ਲਈ ਪਹਿਲੀ ਲੋੜ ਦਲੇਰ ਤੇ ਅਜ਼ਾਦ ਮਨ ਹੁੰਦੀ ਹੈ

Monday, July 7, 2014

'ਲੋਕ ਪਹਿਲਕਦਮੀ' ਫ਼ਿਲਮ 'ਕਿਤੇ ਮਿਲ ਵੇ ਮਾਹੀ' ਕਰੇਗੀ ਪਰਦਾਪੇਸ਼

ਫ਼ਿਲਮ ਦੇ ਨਿਰਦੇਸ਼ਕ ਅਜੈ ਭਾਰਦਵਾਜ ਨਾਲ ਹੋਵੇਗੀ ਗੱਲਬਾਤ

ਤਰੀਕ-13 ਜੁਲਾਈ 
ਦਿਨ-ਐਤਵਾਰ 
ਸਮਾਂ-11:30 
ਸਥਾਨ-ਪ੍ਰੈਸ ਕੱਲਬ, ਸੈਕਟਰ 27, ਚੰਡੀਗੜ੍ਹ

'ਲੋਕ ਪਹਿਕਦਮੀ' ਤਨਜ਼ੀਮ ਦਸਤਾਵੇਜ਼ੀ ਫ਼ਿਲਮਸਾਜ਼ ਅਜੈ ਭਾਦਰਦਵਾਜ ਦੀ ਫ਼ਿਲਮ 'ਕਿਤੇ ਮਿਲ ਵੇ ਮਾਹੀ' ਪਰਦਾਪੇਸ਼ ਕਰੇਗੀ। ਇਹ ਫ਼ਿਲਮ ਐਤਵਾਰ ਨੂੰ 11.30 ਵਜੇ ਪ੍ਰੈਸ ਕੱਲਬ ਚੰਡੀਗੜ੍ਹ ਵਿਖੇ ਦਿਖਾਈ ਜਾਵੇਗੀ। ਇਸ ਮੌਕੇ ਫ਼ਿਲਮ ਦੇ ਨਿਰਦੇਸ਼ਕ ਅਜੈ ਭਾਰਦਵਾਜ ਵੀ ਸਵਾਲਾਂ ਦੇ ਜਵਾਬ ਦੇਣਗੇ।


ਫ਼ਿਲਮ ਪੰਜਾਬੀ ਦੇ ਮਸ਼ਹੂਰ ਕਵੀ ਲਾਲ ਸਿੰਘ ਦਿਲ, ਦਲਿਤ ਮੁੱਦੇ ਤੇ ਸੂਫੀ ਦਰਗਾਹਾਂ ਦੇ ਆਲੇ ਦੁਆਲੇ ਘੁੰਮਦੀ ਹੈ। ਫ਼ਿਲਮਸਾਜ਼ ਫ਼ਿਲਮ ਜ਼ਰੀਏ ਇਨ੍ਹਾਂ ੰਿਤੰਨਾਂ ਦੇ ਸਬੰਧ ਨੂੰ ਸਮਝਣ ਤੇ ਸਮਝਾਉਣ ਦੀ ਕੋਸ਼ਿਸ਼ ਕਰਦਾ ਹੈ।

ਲਾਲ ਸਿੰਘ ਦਿਲ ਨਕਸਲਵਾੜੀ ਲਹਿਰ ਸਮੇਂ ਮਾਰਕਸਵਾਦ ਨੂੰ ਪ੍ਰਣਾਇਆ ਕਵੀ ਸੀ। ਲਹਿਰ ਤੋਂ ਬਾਅਦ ਉਹ ਇਸਲਾਮ ਕਬੂਲ ਕਰਦਾ ਹੈ। ਇਸਲਾਮ ਕਿਉਂ ਕਬੂਲ ਕਰਦਾ ਹੈ ? ਫ਼ਿਲਮ ਭਾਵੇਂ ਇਹ ਸਿੱਧੇ ਤੌਰ 'ਤੇ ਨਹੀਂ ਦੱਸਦੀ ਪਰ ਦਿਲ ਨੂੰ ਜਾਣਨ ਵਾਲੇ ਅਜੈ ਭਾਰਦਵਾਜ਼ ਨਾਲ ਇਸ ਬਾਰੇ ਗੱਲਬਾਤ ਹੋਵੇਗੀ।

ਸਾਨੂੰ ਲੱਗਦੈ ਦਲਿਤ ਸਵਾਲ ਜੋ ਅਹਿਮ ਚਰਚਾਵਾਂ ਦੇ ਦੌਰ 'ਚੋਂ ਗੁਜ਼ਰ ਰਿਹੈ? ਉਸ ਦੌਰ 'ਚ ਇਹ ਜਾਨਣ ਦੀ ਵੀ ਲੋੜ ਹੈ ਕਿ ਜਦੋਂ ਲਾਲ ਸਿੰਘ ਦਿਲ ਇਨ੍ਹਾਂ ਸਾਰੇ ਸਵਾਲਾਂ ਨੂੰ ਉਠਾਉਂਦਾ ਰਿਹਾ। ਉਦੋਂ ਉਸ ਨਾਲ ਕਿਸ ਤਰ੍ਹਾਂ ਦਾ ਪਿਆਰ ਭਰਿਆ ਸੰਵਾਦ ਰਚਾਇਆ ਗਿਆ। ਉਸ ਦੀ ਸਵੈ ਜੀਵਨੀ ਦਾਸਤਾਨ  'ਗੈਂਗਸ ਆਫ ਪ੍ਰੋਗੈਸਿਜ਼ਮ'   ਲਈ ਉਸਦੇ ਪਾਗਲ ਹੋਣ ਦਾ ਹਵਾਲਾ ਕਿਵੇਂ ਬਣ ਗਈ ?

ਲਾਲ ਸਿੰਘ ਦਿਲ ਜਿਹੇ ਪਿਆਰੇ, ਦਿਲਦਾਰ ਤੇ ਫਕੀਰ ਕਵੀ ਨੂੰ ਇਸ ਲਈ ਵੀ ਜਾਨਣ ਦੀ ਲੋੜ ਹੈ। ਕਿਉਂਕਿ ਪੰਜਾਬੀ ਦੇ ਫੱਕਰ ਤੇ ਫਕੀਰ ਕਵੀਆਂ 'ਚੋਂ ਉਹ ਅੰਤਲਾ ਸੀ।

ਟੀਮ 'ਲੋਕ ਪਹਿਲਕਦਮੀ' 

ਨੈਨਇੰਦਰ ਸਿੰਘ (98761-10958) ਜਸਦੀਪ ਸਿੰਘ(99886-38850) ਗੰਗਵੀਰ ਰਠੌੜ-(99889-54521) ਕਪਿਲ ਦੇਵ (98725-96106) ਇਮਰਾਨ ਖਾਨ (98882-650070) ਹਰਪ੍ਰੀਤ ਸਿੰਘ ਕਾਹਲੋਂ (94641-41678)

No comments:

Post a Comment