ਦਾਰਸ਼ਨਿਕਤਾ ਲਈ ਪਹਿਲੀ ਲੋੜ ਦਲੇਰ ਤੇ ਅਜ਼ਾਦ ਮਨ ਹੁੰਦੀ ਹੈ

Wednesday, February 11, 2009

ਕਾਮਰੇਡਾਂ ਦੀ ਮਹਿਫ਼ਲ

ਚੀਕਾਂ,ਕੂਕਾਂ ਤੇ ਬੜ੍ਹਕਾਂ ਤੋਂ ਛੁੱਟ
ਮਾਣਕ ਦੀਆਂ ਕਲੀਆਂ ਨਾਲ
ਸ਼ਿੰਗਾਰੀ ਮਹਿਫ਼ਲ 'ਚੋਂ
ਆਵਾਜ਼ ਉੱਭਰੀ.....

ਦਾਸ ਕੈਪੀਟਲ ਦਾ ਸਰ੍ਹਾਣਾਂ ਲਾਕੇ
ਪੈਣ ਵਾਲੇ ਸਾਥੀਓ.....
ਤਤਕਾਲੀ ਸਥਿਤੀ 'ਚੋਂ ਬਾਹਰ
ਆਕੇ ਖੁਦ ਵੱਲ ਝਾਕੋ
ਕੁਝ ਏਦਾਂ ਦਿਸੇਗਾ....
ਜਿਵੇਂ ਦੁੱਧ ਕਾਲਾ ਹੋ ਗਿਆ ਹੋਵੇ
ਜਿਵੇਂ ਕਾਫ਼ਿਲੇ ਦੇ ਆਗੂ
ਕੱਚੇ ਲਹਿ ਗਏ ਹੋਣ।
ਪਲ ਵਿੱਚ ਖਿੜੇ ਚਿਹਰਿਆਂ 'ਤੇ
ਗੰਭੀਰਤਾ ਫੈਲ ਗਈ
ਕੁਝ ਪਲ ਖਾਮੋਸ਼ੀ ਰਹੀ......
.....................

ਜਵਾਬ 'ਚ ਇਕ ਹੋਰ ਆਵਾਜ਼ ਉੱਭਰੀ
ਤੁਹਾਨੂੰ ਨਹੀਂ ਲਗਦਾ ?
ਕਿ ਸਾਡੀਆਂ ਬੜ੍ਹਕਾਂ ਵਿੱਚ ਵੀ
"ਰਸੂਲ" ਵਰਗੀਆਂ ਗੱਲਾਂ ਵਰਗਾ ਕੁਝ ਹੈ।
ਜ਼ਿੰਦਗੀ ਦੇ ਅਨੰਦ ਵਿੱਚ ਡੁੱਬੇ ਹੋਏ
ਸਾਡੇ ਚੀਕ ਚਿਹਾੜੇ ਤੇ ਪ੍ਰਸ਼ਨ ਚਿੰਨ੍ਹ ਕਿਉਂ ?
ਕਰੋੜਾਂ ਲੋਕਾਂ ਦੀ ਬਿਹਤਰੀ
ਤੇ ਅਨੰਦ ਭਰੀ ਜ਼ਿੰਦਗੀ ਲਈ ਲੜਦੇ ਲੋਕ
ਜੇ ਕੁਝ ਪਲ
ਅਪਣੇ ਅੰਦਰ ਧੜਕਦੀ ਜ਼ਿੰਦਗੀ ਦਾ
ਪ੍ਰਗਟਾਵਾ ਕਰਦੇ ਨੇ ਤਾਂ..........
ਗੁਸਤਾਖ਼ੀ ਕਿਉਂ ਕਹਿ ਦਿੱਤਾ ਜਾਂਦਾ ਹੈ।
ਗੰਭੀਰਤਾ ਤੋਂ ਲਾਵਾ ਬਣਕੇ
ਇਕ ਹੋਰ ਚੀਕ ਉੱਭਰੀ
ਤੇ ਮਾਣਕ ਦੀਆਂ ਕਲੀਆਂ
ਫੇਰ ਸ਼ੁਰੂ ਹੋ ਗਈਆਂ।

ਗੁਰਪਾਲ ਬਿਲਾਵਲ
ਮੋਬ:09872830846

4 comments:

  1. mere dusre comment da jabab tu de ditta ghalib,undrstnd who m i?????????

    ReplyDelete